بسم الحليم أبدى قبل سرد الأبيات

رب العباد اللي عزيز(ن) مقامه

الفضل لله فـ أمن عشنا و مسرات

يوم العرب عاشت خريف الغشامه

الصف واحد ما شكينا الصراعات

يوم العرب كل(ن) يقود انقسامه

دستورنا ما فيه رأي و خلافات

شريعة الله عزنا و الكرامه

ياسيدي يلي بيدك المهمات

ماهيب تصعب وانت رجل الزعامه

يا عصبة العربان في وقت الازمات

يا قاضب(ن) صف العرب في زمامه

تاريخك ابيض ما يعرف الخيانات

ومن خونك عض الأصابع ندامه

قالوا العرب من خلف رجال ما مات

شلت الأسم و الفعل عز و شهامه

هاذي ديار الشرع يا أهل الخرافات

من مسنا واجب علينا لجامه

يا أهل الفتن يالابسين العمامات

كذبتوا بطول اللحى و العمامه

الدين ماهو بالشكل و الشعارات

الدين شرع(ن) فيه سلم و كرامه

الدين درب(ن) فيه للعبد طاعات

و أول صفات المسلمين إستقامه

وأنتم غوتكم نفسكم بالملذات

وارهبتوا المسلم هتكتوا سلامه

الله كتب في محكم القول آيات

بيان مثل النور يحجب ضلامه

وأنتم لكم عن شرع رب السموات

ميلات تثبت كذبكم و الجهامه

زدتوا نفاق وزور زدتوا الخطيات

لين الفُجر أصبح عليكم علامه

وان كان تجهل فعلنا وقت الأزمات

أنشد معزبكم و ينشد عمامه

نموت لجل الشرع و الفوز جنات

هذا الجهاد الحق هذا سنامه

وحنا لنا في الحرب قصه و سيرات

وحنا حسام الشرع حنا حسامه

في دارنا تقام خمسة صلوات

و صوت الأذان ينير في الدار هامه